貓貓每次去完廁所後，屁股總係痴住便便，清潔到好頭痛！

可能同以下原因有關：

1）腸胃消化不良，造成軟便
食錯野、食左唔新鮮既野、食野太油、食物過敏、肚入邊有寄生蟲等等，好多原因都會令貓貓腸胃唔舒服而屙軟便。軟便容易痴住貓貓既屁股，呢個時候最好用益生菌幫貓貓盡快調理返腸胃健康。

如果唔係軟便問題既話，就可能關貓砂、貓砂盆事啦！

2）貓砂唔啱用
市面上有好多種貓砂，例如木砂、豆腐砂、礦物砂、水晶砂、沸石砂......除咗方便奴才自己剷屎之外，都要符合貓貓既喜好，如果發現佢唔鐘意就唔好勉強，果斷換第二款！

3）貓砂太厚／太薄
貓砂太厚既話，貓貓既四肢就會陷入砂之中，無空間比佢埋砂架啦，所以一般鋪5mm高就足夠，再視乎貓貓既腿部長短自行調整；如果貓貓砂太薄既話，唔夠貓砂比佢埋藏便便，都會好易會痴落屁股度。

4）貓砂氣味太臭
有啲貓砂本身會加入香味嚟辟味，如果成份唔天然或者太濃味，貓貓都唔鍾意架。同埋要勤剷砂，保持乾淨。

5）貓砂盆數量不足
最理想既貓砂盆數量=屋企貓貓總數+1個，貓貓本身地盤意識極強，去廁所未必同其他share。有時仲會因為驚去去下廁所比其他貓伏擊，所以時但求其屙完就閃人。

6）貓砂盆太細
太細既貓砂盆令用貓轉身都有困難，更加無空間埋藏便便。

以上貓砂/貓砂盆既問題都會令貓貓去廁所唔舒暢，除左亂屙之外，仲會求其屙完就算，即係無形的宣洩。

仲最後一個原因：貓貓毛髮太長
特別係長毛貓種，屁股位置既毛髮要太長會容易痴到便便，記得定期修剪。



如果貓貓屁股不幸痴住便便，可以點處理？



如果仲係濕濕地既便便，可以用濕紙巾抹走，或者用暖水沾濕紙巾清潔屁股。濕左既毛要盡快吹乾，以免著涼。

如果便便已經乾咗，甚至變為便便毛球，就有需要輕微修剪屁股周圍的毛髮，再作清潔。

希望大家既貓貓都好乖，唔會痴住便便啦！