唔知大家有冇試過，貓貓下巴位置有黑色點點呢?
呢種貓黑頭通常發生喺成年貓或老年貓，幼貓比較少發生。而多數會出現喺下巴、下唇、上唇、臉部同嘴角。

輕微既黑頭並不會影響貓貓健康，就同人類有黑頭粉刺一樣；但如果黑頭過多、轉成膿包，可能會引發進一步既毛囊炎，患部紅腫、下巴腫大、膿皰、丘疹、膿皰、痂皮、禿毛、潰瘍等症狀，所以千奇唔好掉以輕心阿！


點解會出現貓黑頭？

當貓貓感到壓力、免疫抑制、不適當的理毛習慣(舔毛清潔不夠)、接觸性或異位性皮膚炎、內分泌失調、或者貓貓本身皮脂分泌旺盛，都會形成貓黑頭。


點樣預防同清潔貓黑頭？

1) 定期幫貓貓清潔下巴
雖然佢地平時食完野會清理身體，但卻無法清理到自己既下巴，而且進食時又容易將殘留食物留喺下巴，所以建議一星期幫佢地做兩次清潔。先用溫毛巾敷在下巴軟化角質擴張毛孔，以棉花/紗布沾取溫水/生理食鹽水，以毛生長的方向輕輕擦拭，最後再用乾毛巾擦乾。

或者先用溫毛巾敷在下巴軟化角質擴張毛孔，以蚤梳(因為間距較密，較容易將黑頭梳起)順住毛輕梳直到乾淨，再用溫毛巾擦拭。

2) 幫貓咪補充適量的Omega-3或Omega-6脂肪酸
可以作為輔助治療，並幫助調整貓貓皮膚油水平衡，減少皮脂分泌過旺，並幫助毛囊炎調理發炎反應。

3) 使用陶瓷、玻璃或不銹鋼食物兜，並保持清潔
陶瓷、玻璃或不銹鋼既食物兜，可以降低貓黑頭既發生率。仲要保持食物兜清潔，咁就無咁易整污糟下巴啦！